ახალი სასწავლო წლის დაწყებასთან დაკავშირებით ადიგენის მუნიციპალიტეტის მერი გოჩა ქიმაძე, მერის მოადგილე სოსო რეხვიაშვილი, საკრებულოს თავმჯდომარე შმაგი ბიძიშვილი, მოადგილეები, ასევე მერიისა და საკრებულოს წარმომადგენლები და ადიგენის საგანმანათლებლო რესურსცენტრის ხელმძღვანელი ინგა ბოჭორიშვილი ტრადიციულად, მუნიციპალიტეტში მდებარე სხვადასხვა სკოლებს ესტუმრნენ და სწავლის დაწყების აღსანიშნავ ღონისძიებას დაესწრნენ.

პატარა პირველკლასელებმა ღონისძიება საქართველოს ჰიმნით გახსნეს და მოსული სტუმრების წინაშე სხვადასხვა შემოქმედებითი ნომრები წარმოადგინეს.

დღესვე, ადგილობრივი თვითმმართველობის წარმომადგენლებმა დაათვალიერეს საკლასო ოთახები, სასწავლო პროცესს ადგილზე გაეცნენ, პირველკლასელებს მერიისაგან საჩუქრად სასკოლო-საკანცელარიო ნივთები გადასცეს და წარმატებული სასწავლო წელი უსურვეს.

აღსანიშნავია, რომ დღესვე, მუნიციპალიტეტის 25-ვე სკოლის 166-მა პირველკლასელმა, მერიის საჩუქრებთან ერთად განათლების სამინისტროს საჩუქრებიც – სახელმძღვანელოები და ნეთბუქებიც მიიღეს.