შეხვედრა სოციალური პროექტის „სკოლა, როგორც საგანმანათლებლო ცენტრი თემში“ ფარგლებში გაიმართა, რომელსაც სასკოლო საზოგადოება ახორციელებს.

შეხვედრის ფარგლებში გოჩა ქიმაძემ მოადგილეებთან ერთად მოსწავლე-ახალგაზრდებს ადგილობრივი თვითმმართველობის ფუნქციები და მოვალეობები გააცნო, უპასუხა მათთვის საინტერესო შეკითხვებს, ასევე გაეცნო მათ ინიციატივებსა და იდეებს და სრული მხარდაჭერა აღუთქვა.

შეხვედრა ვარხანის საჯარო სკოლის ორგანიზებითა და მერიის მხარდაჭერით გაიმართა, რომლის მიზანია ახალგაზრდებისათვის ადგილობრივი თვითმმართველობის როლისა და ფუნქციების გაცნობა და მათი ჩართულობის გაზრდა მუნიციპალიტეტის საქმიანობაში.