ქართული
English
დაბა ადიგენში, მერიის ადმინისტრაციულ შენობაში, თვალის მიკროქირურგიის ჯავრიშვილის კლინიკა „ოფთალმიჯის“ ორგანიზებითა და ადიგენის მუნიციპალიტეტის მერიის მხარდაჭერით, უფასო სამედიცინო აქცია მიმდინარეობს.
აქციის ფარგლებში მოქალაქეებს შესაძლებლობა აქვთ ისარგებლონ ექიმი-ოფთალმოლოგის კონსულტაციით, რომელიც მოიცავს შემდეგი სახის კვლევებს:
ვიზომეტრიას – მხედველობის განსაზღვრას პროცენტულობით;
ტონომეტრიას – თვალის წნევის გაზომვას;
თვალის წინა საკნის დათვალიერებას, ხოლო საჭიროების შემთხვევაში მკურნალობის დანიშვნას.
მსგავსი ტიპის უფასო სამედიცინო აქციები მუნიციპალიტეტში პერიოდულად ტარდება და მიზნად ისახავს პაციენტების დროულ გამოვლენასა და შესაბამისი სამკურნალო ღონისძიებების დაგეგმვას.