მუნიციპალიტეტში ეწყობა და რეაბილიტირდება საგზაო ინფრასტრუქტურა, მინი მოედნები, ტურისტული ლოკაციები, სკვერები, წესრიგდება სასმელი და სარწყავი წყლის სისტემები და სხვა.

ადიგენის მერის, გოჩა ქიმაძის ერთ-ერთი პრიორიტეტი საგზაო ინფრასტრუქტურის მოწესრიგებაა. წესრიგდება, როგორც სოფლებთან დამაკავშირებელი, ასევე შიდა საუბნო გზები.

ამ ეტაპზე, სოფელ კეხოვანის დამაკავშირებელი გზის მოწყობის სამუშაოების პირველი ეტაპიც დასრულების ფაზაშია.

პროექტის თანახმად, 2750 მეტრის მონაკვეთზე ასფალტო ბეტონის გზა ეწყობა, მილ-ხიდებით, გვერდულებითა და ეზოში შესასვლელებით.

პროექტის ღირებულება 1 360 000 ლარია, რომელიც რეგიონებში განსახორციელებელი პროექტების ფონდისა და ადგილობრივი ბიუჯეტიდან გამოყოფილი თანხით ფინანსდება.

აღსანიშნავია, რომ პროექტის დასრულების შემდეგ ადგილობრივებისათვის გადაადგილებასთან დაკავშირებული პრობლემა აღმოიფხვრება.