ადიგენის ახალგაზრდულ ცენტრში, ახალგაზრდული საბჭოს წევრებმა საინფორმაციო შეხვედრა გამართეს.

შეხვედრას, რომლის ფარგლებშიც საბჭოს წევრებმა პრეზენტაცია წარმოადგინეს, საბჭოს მუშაობის პრინციპებისა და სამომავლო გეგმები შესახებ, საჯარო სკოლის მოსწავლე-ახალგაზრდები და მერიის კულტურის სამსახურის წარმომადგენლები ესწრებოდნენ.

საბჭოს წევრებმა შეხვედრისას აღნიშნეს, რომ მომავალში განსაკუთრებულ ყურადღებას განათლებისა და კულტურული ინიციატივების სფეროებზე გაამახვილებენ, რათა ხელი შეუწყონ ახალგაზრდების განვითარებას და მოტივაციას. ასევე, მათ ისაუბრეს ახალი საბჭოს ჩამოყალიბებასთან დაკავშირებულ პროცესებზე და მის მნიშვნელობაზე.

ადგილობრივი თვითმმართველობის წარმომადგენლებმა ახალგაზრდული საბჭოს წევრებს მადლობა გადაუხადეს აქტიური ჩართულობისათვის, მაქსიმალური მხარდაჭერა აღუთქვეს და წარმატებები უსურვეს მომავალ საქმიანობაში.

შეხვედრაში აქტიურად მიიღეს მონაწილეობა დამსწრე მოსწავლე-ახალგაზრდებმა, რომლებმაც დასვეს კითხვები და სურვილი გამოთქვეს საბჭოს მუშაობაში აქტიურ ჩართულობაზე.

აღსანიშნავია, რომ საბჭო წარმოადგენს პლატფორმას, რომელიც ხელს უწყობს ახალგაზრდებს, დაესწრონ გადაწყვეტილების მიღების პროცესში და განავითარონ სამომავლო პროექტები და ღონისძიებები, რომლებიც მათ საჭიროებებსა და ინტერესებს მოიცავს.