ადიგენის მერიის ინსპექტირებისა და კონტროლის განყოფილების წარმომადგენლები სოფელ აბასთუმანსა და უნწაში მიმდინარე საგზაო ინფრასტრუქტურულ სამუშაოებს გაეცნენ.

პროექტების ფარგლებში, სოფლებში შიდა საუბნო გზების 415-მეტრიან მონაკვეთზე დაიგება ბეტონის საფარი, მოეწყობა სანიაღვრე არხები და ეზოებში შესასვლელები.

საგზაო ინფრასტრუქტურული სამუშაოები „სოფლის მხარდაჭერის პროგრამისა“ და ადგილობრივი ბიუჯეტის თანადაფინანსებით ხორციელდება. პროექტების საერთო ღირებულება 179 920 ლარია.