აბასთუმანში და სოფელ უდეში საბავშვო ბაღები თანამედროვე სტანდარტების შესაბამისად აშენდა. ბაღები გათვლილია 75-75 აღსაზრდელზე. შენობებში მოეწყო საბავშვო ოთახები, საძინებლები, მრავალფუნქციური დარბაზი, სამზარეულო, სველი წერტილები, ეზო და სათამაშო მოედნები. ბაღები სრულად ადაპტირებულია სპეციალური საჭიროებების მქონე ბავშვებისთვის. საბავშვო ბაგა-ბაღების მშენებლობა მუნიციპალური განვითარების ფონდმა განახორციელა.

ადიგენის მუნიციპალიტეტში ბოლო ოთხი წლის განმავლობაში ახალი ბაღები აშენდა სოფელ უდეში, ზანავში, დაბა აბასთუმანსა და ქვემო ენთელში, ხოლო სოფელ არალსა და ვარხანში ამჟამად სარეაბილიტაციო სამუშაოები მიმდინარეობს.