საზეიმო ღონისძიება საქართველოს ჰიმნით გაიხსნა. პირველკლასელებმა სტუმრებს შემოქმედებითი ნომრები წარუდგინეს. ადგილობრივი თვითმმართველობის წარმომადგენლებმა მოსწავლეებსა და პედაგოგებს სასწავლო წლის დაწყება მიულოცეს, წარმატებები უსურვეს და პირველკლასელებს მერიისგან საჩუქრად სასკოლო-საკანცელარიო ნივთები გადასცეს.

დღეს, მუნიციპალიტეტის მასშტაბით, 25-ვე საჯარო სკოლის 114-ვე პირველკლასელს, განათლების სამინისტროს საჩუქართან – სახელმძღვანელოებსა და ნეთბუქებთან ერთად, მერიისგან სასკოლო-საკანცელარიო ნაკრებებიც გადაეცათ.

ღონისძიებას ასევე ესწრებოდნენ მერიისა და საკრებულოს წარმომადგენლები და ადიგენის საგანმანათლებლო რესურსცენტრის ხელმძღვანელი თეა დანგაძე.