დაბა ადიგენის ეკლესიის წინამძღვარმა მამა რევაზმა დაღუპულთა სულის მოსახსენიებელი პანაშვიდი გადაიხადა.

გოჩა ქიმაძემ და საკრებულოს თავმჯდომარემ შმაგი ბიძიშვილმა სიტყვით მიმართეს შეკრებილ საზოგადოებას და 37 წლის წინანდელი მოვლენები გაიხსენეს:

„9 აპრილი მხოლოდ მწუხარებისა და ტკივილის დღე არ არის, ეს არის ქართველი ხალხის შეუდრეკელი სულისა და თავისუფლებისთვის ბრძოლის სიმბოლო. დღეს პატივს მივაგებთ გმირებს, რომლებმაც საკუთარი სიცოცხლე სამშობლოს თავისუფლებას შესწირეს. მათი თავგანწირვა და ღვაწლი მუდამ გვემახსოვრება. “- განაცხადა მერმა.

9 აპრილის ტრაგედიიდან 37 წელი შესრულდა.