ახალგაზრდული პროექტის ფარგლებში 30 სტუდენტია გაერთიანებული, რომლებსაც შესაძლებლობა აქვთ მოინახულონ ადიგენის ღირსშესანიშნაობები, უკეთ გაიცნონ და დაუმეგობრდნენ ერთმანეთს, გაცვალონ იდეები.

პროექტის ფარგლებში ახალგაზრდებმა ადიგენის მუნიციპალიტეტში არსებული ოქროს ციხე მოინახულეს, გიდისაგან საინტერესო ისტორია მოისმინეს, დასასრულს კი ადიგენის მერიისაგან ფასიანი სამახსოვრო საჩუქრებიც მიიღეს.

ექსკურსია-ლაშქრობაზე სტუდენტებთან ერთად, ადიგენის მერიის კულტურის სამსახურის, სამცხე-ჯავახეთის სახელმწიფო უნივერსიტეტისა და ახალგაზრდული სააგენტოს წარმომადგენლები იმყოფებოდნენ.

აღსანიშნავია, რომ ახალგაზრდული პროექტი ადიგენის მუნიციპალიტეტის მერის, გოჩა ქიმაძის ინიციატივით, კულტურის სამსახურის ორგანიზებითა და სამცხე-ჯავახეთის სახელმწიფო უნივერსიტეტის მხარდაჭერით ხორციელდება, რომლის დასრულების შემდეგაც ახალგაზრდებს ექნებათ საშუალება წარმოაჩინონ თავიანთი უნარები გააკეთონ პროექტი, სადაც წარმოდგენილი იქნება მათი ხედვა და იდეები მუნიციპალიტეტში არსებული კულტურულ-ისტორიულ ძეგლების ცნობადობის ამაღლებისა და განვითარებისთვის.