სამცხე-ჯავახეთის სახელმწიფო რწმუნებულის ადმინისტრაციისა და საფეხბურთო კლუბის “დინამო თბილისის” აკადემიის ერთობლივი ორგანიზებით, ნინოწმინდაში, საფეხბურთო ფესტივალი გაიმართა, რომლის მიზანსაც ნიჭიერი ფეხბურთელების აღმოჩენა წარმოადგენს.

მიმდინარე წელს ფესტივალი სამცხე-ჯავახეთში უკვე მეორედ გაიმართა. გაზაფხულზე მსგავს ღონისძიებას ახალციხემაც უმასპინძლა, სადაც რეგიონში შემავალი მუნიციპალიტეტების გუნდებმა მიიღეს მონაწილეობა.