დაბა ადიგენში, ჭავჭავაძის ქუჩაზე, მოსასვენებელი სკვერის, ტრენაჟორებისა და საბავშვო ატრაქციონების მოწყობის სამუშაოები აქტიურად მიმდინარეობს.

აღნიშნულ ლოკაციაზე, სულ მალე, ადგილობრივები და ჩამოსული სტუმრები თანამედროვე სტანდარტების მქონე სივრცით ისარგებლებენ და დროს სასიამოვნოდ გაატარებენ.

პროექტის ფარგლებში გათვალისწინებულია გარე გამოყენების ფიტნესის ტრენაჟორების, საბავშვო-გასართობი ატრაქციონების, მოსასვენებელი სკამების, საფეხმავლო ბილიკების მოწყობა. ასევე, დამონტაჟდება თანამედროვე სტილის გარე განათებები და ნაგვის ურნები. მოეწყობა ფანჩატური და აღნიშნული ადგილი გამწვანდება.

სამუშაოების ღირებულება ჯამში 148 000 ლარია, რომელიც სრულად ადგილობრივი ბიუჯეტიდან გამოყოფილი თანხით ფინანსდება.