მიმდინარეობს საიტის განახლება

ცხელი ხაზი: + 995 366 29 12 61

რაიონული კონფერენცია და მუნიციპალიტეტის მერის ინიციატივა

ადიგენის მუნიციპალიტეტის სოფელ ბენარის საჯარო სკოლაში, ზოგადი განათლების რეფორმის ფარგლებში რაიონული კონფერენცია ჩატარდა. კონფერენცია ადიგენის საგანმანათლებლო რესურსცენტრის ხელმძღვანელმა ინგა ბოჭორიშვილმა გახსნა, რომელმაც დამსწრე საზოგადოებას პროექტის ფარგლებში განხორციელებული და სამომავლოდ დაგეგმილი აქტივობები გააცნო.

ღონისძიებას ადიგენის მუნიციპალიტეტის მერი გოჩა ქიმაძე და საკრებულოს თავმჯდომარე შმაგი ბიძიშვილი ესწრებოდნენ.

კონფერენციის მონაწილეებს ადიგენის მუნიციპალიტეტის მერმაც მიმართა და  პედაგოგების მიღწევებსა და ღვაწლზე ისაუბრა. გოჩა ქიმაძემ დღესვე საკუთარი ინიციატივაც გააჟღერა. მისი თქმით, მსგავსი სახის ნოვატორული პროექტების დასაფინანსებლად მერია 5000 ლარს, ადიგენის მუნიციპალიტეტის საჯარო სკოლებს გადასცემს, რათა მათ უკეთ განახორციელონ დაგეგმილი საგანმანათლებლო პროექტები.

ღონისძიებაზე, პრეზენტაციებით წარსდგნენ სკოლის დირექტორები და პედაგოგები. კონფერენციის მონაწილეებმა პროექტში, ჩართული საჯარო სკოლების მოსწავლეების მიერ შესრულებული კომპლექსური დავალებების ნამუშევრების გამოფენაც დაათვალიერეს. დასასრულს კი მონაწილეებს სიგელებიც გადაეცათ.

 კონფერენცია, საქართველოს განათლებისა და მეცნიერების სამინისტროსა და ადიგენის საგანმანათლებლო რესურსცენტრის ორგანიზებით ჩატარდა. როგორც შეხვედრაზე აღინიშნა, საქართველოს განათლებისა და მეცნიერების სამინისტროს მიერ, ზოგადი განათლების რეფორმა მთელი საქართველოს მასშტაბით წარმატებით ხორციელდება.

პროცესებში აქტიურად არიან ჩართულები ადიგენის მუნიციპალიტეტის საჯარო სკოლის პედაგოგები და რესურსცენტრის თანამშრომლები.

მესამე თაობის ეროვნული სასწავლო გეგმის დანერგვის დოკუმენტი გულისხმობს სკოლებში მოსწავლეზე ორიენტირებული საგანმანათლებლო გარემოს უზრუნველყოფას, რომელიც ახალგაზრდებს XXI საუკუნის გამოწვევათა დასაძლევად შესაბამის ცოდნასა და საკუთარი პოტენციალის რეალიზების საშუალებას მისცემს.

მოითხოვე საჯარო ინფორმაცია
წერილი ადიგენის მერს
წერილი საკრებულოს თავმჯდომარეს
შენი იდეა ადიგენს
ელექტრონული პეტიცია
ელ. მმართველობის ერთიანი სისტემა
ტურიზმი
ფოტო/ვიდეო გალერეა
საინფორმაციო დაფა
მაჟორიტარი დეპუტატის ბიურო
საქართველოს პარლამენტი
საქართველოს მთავრობა
საქართველოს პრეზიდენტი
აპრილი 2024
1234567
891011121314
15161718192021
22232425262728
2930