მიმდინარეობს საიტის განახლება

ცხელი ხაზი: + 995 366 29 12 61

ახალგაზრდობის საერთაშორისო დღისადმი მიძღვნილი ღონისძიება და მერის ინიციატივები

დაბა ადიგენში, ახალგაზრდობის საერთაშორის დღეს, მასშტაბური ღონისძიება მოეწყო, სადაც ღამის შოუს ბენდმა სასიამოვნო საღამო აჩუქა მაყურებელს. ღონისძიება, ადიგენის მუნიციპალიტეტის ცენტრალური პარკის მიმდებარე ტერიტორიაზე გაიმართა, რომელსაც ადიგენის მუნიციპალიტეტის მაცხოვრებლები ესწრებოდნენ. ადიგენის მუნიციპალიტეტის მერმა გოჩა ქიმაძემ დამსწრეებს დიდგორობა და ახალგაზრდობის საერთაშორისო დღე მიულოცა, ამასთან საკუთარი ინიციატივებიც გააჟღერა:

„მერის სტიპენდია წარჩინებული სტუდენტებისათვის“. მერის ინიციატივით, ასევე სოციალურად დაუცველი ოჯახის სტუდენტებს ერთი სემესტრი სრულად დაუფინანსდებათ. აგრეთვე მერმა დამამთავრებელი კლასის წარჩინებული (ოქროსა და ვერცხლის მედალოსნები) მოსწავლეებიც გაახარა და წახალისების მიზნით, სტიპენდიის სახით, ფულადი საჩუქრები დაუწესა. დღესვე, დასასრულს კი მუნიციპალიტეტის მერმა ადიგენელ მოსახლეობას ყველაზე მნიშვნელოვანი სიახლეც გააცნო. გოჩა ქიმაძის ინიციატივით, ,,ადიგენელობის’’ დღე დაარსდება, რომელსაც მუნიციპალიტეტი ყოველ 14 მაისს, წმინდა თამარის დღეს მასშტაბური ღონისძიებით აღნიშნავს. ღონისძიება ფოიერვერკით დასრულდა.

„ახალგაზრდობის საერთაშორისო დღესთან“ დაკავშირებით მიძღვნილ ღონისძიებას ორგანიზება ადიგენის მუნიციპალიტეტის მერიის კულტურის სამსახურმა გაუწია, აღსანიშნავია, რომ ღონისძიება სისტემურ ხასიათს მიიღებს და მომავალ წლებშიც გაიმართება. 12 აგვისტო „ახალგაზრდობის საერთაშორისო დღედ“ 1999 წლიდან აღინიშნება. ამ დღის მიზანია წაახალისოს ახალგაზრდები მთელი მსოფლიოს მასშტაბით, რათა დაგეგმონ და განახორციელონ აქტივობები საზოგადოების ცნობიერების ასამაღლებლად.

მოითხოვე საჯარო ინფორმაცია
წერილი ადიგენის მერს
წერილი საკრებულოს თავმჯდომარეს
შენი იდეა ადიგენს
ელექტრონული პეტიცია
ელ. მმართველობის ერთიანი სისტემა
ტურიზმი
ფოტო/ვიდეო გალერეა
საინფორმაციო დაფა
მაჟორიტარი დეპუტატის ბიურო
საქართველოს პარლამენტი
საქართველოს მთავრობა
საქართველოს პრეზიდენტი
აპრილი 2024
1234567
891011121314
15161718192021
22232425262728
2930