მიმდინარეობს საიტის განახლება

ცხელი ხაზი: + 995 366 29 12 61

ადიგენში წმინდა ანთიმოზ ივერიელის ხსენების დღე იზეიმეს
26 ივნისს, საეკლესიო და საერო მოღვაწის ანთიმოზ ივერიელის (ანდრია ხურციძე-მერაბიშვილის) ხსენების დღის აღნიშვნა, სოფელ უდეში, ღვთისმშობლის მიძინების სახელობის ტაძარში სადღესასწაულო წირვა-ლოცვით დაიწყო.
ანთიმოზ ივერიელის ხსოვნის პატივსაცემად, ახალციხისა და ტაო–კლარჯეთის მიტროპოლიტმა მეუფე თეოდორემ, ცაგერისა და ლენტეხის მიტროპოლიტმა სტეფანემ, რიმნიკის მთავარეპისკოპოსმა ბარსანუფმა მხარის სხვა მღვდელმსახურებთან ერთად წირვა -ლოცვა აღავლინეს.
საღვთო ლიტურგიას ადიგენის მუნიციპალიტეტის მერი გოჩა ქიმაძე, მოადგილეები, საკრებულოს თავმჯდომარე შმაგი ბიძიშვილი, სახელმწიფო რწმუნებულის ადმინისტრაციის, მერიისა და საკრებულოს წარმომადგენლები და რეგიონის სხვადასხვა მუნიციპალიტეტის მერები ესწრებოდნენ.
სადღესასწაულო წირვა-ლოცვის შემდგომ ადიგენის მერიის კულტურის სამსახურის ორგანიზებით, ადგილობრივი ქორეოგრაფიული და ფოლკლორული ანსამბლების მონაწილეობით სადღესასწაულო კონცერტი მოეწყო.
ადიგენელებს წმ.ანთიმოზ ივერიელის ხსენების დღე მეუფე თეოდორემ, ადიგენის მუნიციპალიტეტის მერმა გოჩა ქიმაძემ და მოწვეულმა სტუმრებმა მიულოცეს.
აღსანიშნავია, რომ “ანთიმოზობის” დღესასწაული სოფელ უდეში 2005 წლიდან საეკლესიო და საერო მოღვაწის ანთიმოზ ივერიელის (ანდრია ხურციძე-მერაბიშვილის), როგორც სოფელი უდის მკვიდრის, ხსოვნის პატივსაცემად აღინიშნება.
მოითხოვე საჯარო ინფორმაცია
წერილი ადიგენის მერს
წერილი საკრებულოს თავმჯდომარეს
შენი იდეა ადიგენს
ელექტრონული პეტიცია
ელ. მმართველობის ერთიანი სისტემა
ტურიზმი
ფოტო/ვიდეო გალერეა
საინფორმაციო დაფა
მაჟორიტარი დეპუტატის ბიურო
საქართველოს პარლამენტი
საქართველოს მთავრობა
საქართველოს პრეზიდენტი
ივლისი 2024
1234567
891011121314
15161718192021
22232425262728
293031