ახალი ქვედანაყოფი სამცხე-ჯავახეთის რეგიონის რეზერვისტებით დაკომპლექტდა.

ღონისძიებას სამცხე-ჯავახეთის სახელმწიფო რწმუნებული ბესიკ ამირანაშვილი, ეროვნული გვარდიის უფროსი, ბრიგადის გენერალი რომან ჯოხაძე, სახელმწიფო რწმუნებულის მოადგილე შოთა როსტიაშვილი, ადიგენის მუნიციპალიტეტის მერი გოჩა ქიმაძე, მოადგილეები, საკრებულოს თავმჯდომარე შმაგი ბიძიშვილი, ადგილობრივი თვითმმართველობის წარმომადგენლები, მაღალი რანგის სხვა სამხედრო პირები, სასულიერო და საერო პირებთან და რეზერვისტების ოჯახის წევრებთან ერთად ესწრებოდნენ.

პირად შემადგენლობას სამხედრო ფიცის დადება ხელმძღვანელმა პირებმა მიულოცეს, მოვალეობის ღირსეულად შესრულება უსურვეს და კიდევ ერთხელ აღნიშნეს, თუ რამდენად მნიშვნელოვანია თითოეული მათგანის ჩართულობა და მხარდაჭერა ქვეყნისა და ქართული ჯარის გაძლიერების საქმეში.

დღესვე, რეზერვისტებმა რვადღიანი სწავლების დროს მაღალი დისციპლინისა და საუკეთესო შედეგების გამოვლენისათვის მადლობის სიგელები მიიღეს.

ფიცის დადების ცერემონიალი ღონისძიებით გაგრძელდა. მაყურებლის წინაშე ადგილობრივი ფოლკლორული და ქორეოგრაფიული ანსამბლები წარდგნენ.