შეხვედრის ფარგლებში ადგილობრივებმა გამოცდილი სპეციალისტებისაგან ყირიმ-კონგოს ჰემორაგიულ ცხელებასთან დაკავშირებით დეტალური და ამომწურავი ინფორმაცია მოისმინეს, ასევე განემარტათ როგორ დაიცვან თავი დაავადებისაგან.

აღსანიშნავია, რომ სეზონთან დაკავშირებით მსგავსი ხასიათის საინფორმაციო შეხვედრები მუნიციპალიტეტის სხვადასხვა სოფლებში ეტაპობრივად გაიმართება.

ინფორმაციისათვის, ყირიმ-კონგოს (CCHF) ჰემორაგიული ცხელება ზოონოზური ვირუსული დაავადებაა, რომელიც ვრცელდება Hyalomma-ს სახეობის ტკიპების საშუალებით. ტკიპას ბიოლოგიიდან გამომდინარე, ყირიმ-კონგოს შემთხვევები ძირითადად ფიქსირდება გაზაფხულიდან ადრეულ შემოდგომამდე და მათ აქტიურობას ხელს უწყობს თბილი ზამთარი და მშრალი, ცხელი ზაფხული.

ადამიანი ავადდება დაავადებული ტკიპას კბენის შედეგად, დაინფიცირებული ცხოველის სისხლთან და ქსოვილებთან შეხების და ყირიმ კონგოთი ინფიცირებულ პაციენტებთან ახლო კონტაქტის დროს.