ქართული
English
ადიგენის მუნიციპალიტეტის მერი გოჩა ქიმაძე, საკრებულოს თავმჯდომარე შმაგი ბიძიშვილთან ერთად, ადიგენის რესურსცენტრის ხელმძღვანელ ინგა ბოჭორიშვილს და მუნიციპალიტეტის საჯარო სკოლების დირექტორებს შეხვდა.
მხარეებმა სკოლებში არსებული საჭიროებები და სასწავლო პროცესის მიმდინარეობა მიმოიხილეს.
ყურადღება დაეთმო მუნიციპალიტეტის მხრიდან სკოლების მხარდაჭერის მნიშვნელობას. ამ კონტექსტში, ხაზი გაესვა მერიის ინიციატივას, რომელიც მუნიციპალიტეტის საჯარო სკოლების მე-8 და მე-9 კლასის მოსწავლეებისთვის ინგლისური ენის უფასო სწავლებას ითვალისწინებს.
მერმა შეხვედრის მონაწილეებს მუნიციპალიტეტში მცხოვრები მოსწავლეების ხელშეწყობისა და მათთვის სხვადასხვა პროექტის განხორციელებაში მხარდაჭერა აღუთქვა.