ადიგენის მუნიციპალიტეტის სოფელ შოლავერში, შიდა საუბნო გზაზე, 640 მეტრის მონაკვეთზე, რკინა-ბეტონის საფარის მოწყობის სამუშაოები აქტიურად მიმდინარეობს. პროექტში ასევე გათვალისწინებულია მიერთებების, გვერდულების, სანიაღვრე არხებისა და ეზოში შესასვლელების მოწყობა.

სოფელ შოლავერში, მიმდინარე სამუშაო პროცესი ადიგენის მერიის ინსპექტირებისა და კონტროლის განყოფილების წარმომადგენლებმა, შემსრულებელი კომპანიის ხელმძღვანელთან ერთად, ადგილზე მოინახულეს.

პროექტი ადგილობრივი ბიუჯეტიდან გამოყოფილი თანხით ფინანსდება, რომლის ღირებულება 319 999 ლარია.

სამუშაოების დასრულების შემდეგ ადგილობრივები მოწესრიგებული საგზაო ინფრასტრუქტურით ისარგებლებენ, რაც მათ გადაადგილებას მეტად კომფორტულს გახდის.