ადიგენის მუნიციპალიტეტის მერიის ადმინისტრაციულ შენობაში, ა.(ა).ი.პ ადიგენის სკოლამდელი აღზრდის დაწესებულების მეთოდისტების, ინკლუზიის სპეციალისტებისა და აღმზრდელებისთვის სასწავლო-გადასამზადებელი ტრენინგი ჩატარდა.

ტრენინგზე, რომელიც 5-დღიანი იყო, მონაწილეებმა განიხილეს ის საკითხები, რომელიც მნიშვნელოვანია საბავშვო ბაღების თანამშრომლებისათვის. ასევე, მუნიციპალიტეტში არსებული საბავშვო ბაღების წარმომადგენლებმა მათთვის საინტერესო საკითხებზე, მასწავლებელთა პროფესიული განვითარების ეროვნული ცენტრის წარმომადგენლისგან ამომწურავი პასუხები მიიღეს.

საინფორმაციო-სასწავლო შეხვედრა მასწავლებელთა პროფესიული განვითარების ეროვნული ცენტრის ორგანიზებითა და ა.(ა).ი.პ ადიგენის სკოლამდელი აღზრდის დაწესებულების მხარდაჭერით გაიმართა.