ადიგენის მუნიციპალიტეტის მერი გოჩა ქიმაძე, საკრებულოს თავმჯდომარესთან, მაჟორიტარი დეპუტატის ადიგენის ბიუროს თანამშრომლებთან და ადგილობრივი ხელისუფლების წარმომადგენლებთან ერთად, მოსახლეობასთან შეხვედრებს აგრძელებს. ადგილობრივი ხელისუფლების წარმომადგენლები სოფელ ადიგენში, იმერთუბანში, იჯარეთში, გორგულში, ვარხანში, სოფელ აბასთუმანსა და საღრძეში მცხოვრებ მოსახლეობას შეხვდნენ და მათთან ერთად, ყველა ის საკითხი განიხილეს, რაც მოსახლეობისთვის პრიორიტეტულია.